யுக யாத்திரை
"இது எந்த யுகம் பிரம்ம தேவரே?
அழைத்த காரணம் அறியேன்!
சொல்லுங்கள்!"
"ஹா..ஹா... வாருங்கள்!
மனிதன் சிருஷ்டித்திருக்கும்
நவ உலகைப் பாருங்கள்!
முக்கி முனகி, கட்டை ,
வண்டியில் ஏறாது
'போர்ச்சில்' வந்து
'போர்ச்சில்' இறங்கும்
புது உலகைப் பாருங்கள்!
சனம் பெருக்கச் சினம் கொண்டு
மறு பால் மணக்காது
சக பால் மணம் செய்யும்
சம உலகைப் பாருங்கள்!
ஆநிரை கவராது
அயலார் நிலம் கொள்ளும்
அற்புதத்தைப் பாருங்கள்!
மனிதப் படைப்புகளே
மனித இனம் கொல்லும்
மயவுலகைப் பாருங்கள்!"
"சற்றே பொறுங்கள் சுவாமி!
ஜெருசலேமிலிருந்து அழைப்பு வருகிறது.
"ஓம்...ஓம்...
சரி ..செய்கிறேன்.."
"மன்னிக்க பிரம தேவரே!
இந்த யுகம் அவர்களுடையதாம்..."
'டுமீல்..டுமீல்'
கருத்துகள் இல்லை:
கருத்துரையிடுக