முகநாள்
***********
நீ பிறந்தாயோ, இன்று
இறந்தாயோ - அறியேன்
முகநூலைத் திறந்தவுடன்
முழிக்கிறாய்
அதே புன்னகை
சட்டம் சிறை பிடித்த உன்னை
எப்படித்தான் பார்ப்பது?
இறப்பையும்
பிறப்பையும்
ஒரு கோடே பிரிக்கிறது
அஞ்சலியையும் வாழ்த்துக்களையும்
அவசரமாகத் துப்புகிறது
முகநூல்
'லைக்' போட்டுவிட்டேன்
நீ இறந்து போயிருந்தால்
அது உன் கடந்துபோன பிறந்த நாளுக்கு..
விரல்கள் மரத்துப் போய்விட்டன
கருத்துகள் இல்லை:
கருத்துரையிடுக